No.4195/2021-2022

Aizawl the 7th March, 2022: Vawiin khan Pu C.C. Lalchhuangkima, Deputy Commissioner, Khawzawl District chuan Sialhawk VLTF hnenah Covid-19 vanga chhungkaw harsa zualte chhawmdawlna tur leh Covid-19 hrileng dona hmanrua a hlan.

District Bawrhsap hian Covid-19 vanga chhuanchham mai thei dinhmuna ding chhungkaw 20 te hnena sem tur buhfai kg 480, tel packet 20 leh nutrela kg 10 chu Sialhawk VLTF te kutah a hlan a. Chhungkaw harsa zualte chhawmdawlna tur bakah hian DC chuan Sialhawk VLTF te hnenah Covid-19 hrileng dona atan PPE set 5 leh Hand Sanitizer litre 10 a hlan bawk.

Vawiin chawhnu dar 3:00 thleng khan Sialhawkah Covid-19 positive mi 6 (paruk) hmuhbelh niin, dam takin mi 17 an chhuak thung a. Tun dinhmunah Sialhawk khuaah hian Covid-19 hrikai mi 51 an awm mek a ni.