3576/2024-2025
Khawzawl, dated 28th November 2024: Vawiin chawhma dar 11:00am khan Khawzawl DC Meeting Hall ah kumin December ni 1 2024 a World Aids Day lo thleng tur hman dan tur Pu K. Vanlalthiana, Khawzawl DC leh District Aids Prevention & Control Committee (DAPCC) Chairman ni bawk hovin an thukhawm a, he thutkhawmah hian ni 1 December hi Pathianni a nih avangin zingkar ah hemi pual programme thawh khatna atan Khawzawl a Ruihlo ngaite pual Camping Center pahnih Chhanchhuahna Home, Zuchhip hmunhlui leh Grace Camping Center, JNV school bul ami chu DAPCC ten tlawh nise, an mamawh ei leh in tur te ken sak nise an ti a, hei bakah hian December ni 4 2024 hian Khawzawl District Hospital Meeting Hall-ah Khawvel puma HIV darh zel tur leh he natna vei mekte endawngna leh thinhrikna a bo nan leh enkawlna tha an dawn theih nan leh kumin World AIDS Day thupui hi “Take the Rights Path: My Health My Right” tih a nih angin, hemi ni denchhen hian District Hospital-a Doctor, Nurse leh thawktu zawng zawngte tan HIV ACT 2017 chungchang zirtirna neih tum a ni.
He thutkhawmah hian Dr. Albert Lalhminghlua, District AIDS Control Officer bakah Pu Lalzawmliana, Addl. SP Khawzawl, Pu Lalhumhima, Head Assistant, DEO Representative, Pu Suvigya S. Chandra, SDO (Sadar) leh Pi Lalsangpuii Vuite, ICTC Councellor District Hospital Khawzawl te an tel a ni.
