4608/2025-2026

Khawzawl, dated 26th February, 2026 : District Child Protection Unit, Khawzawl chuan tun thla ni 24 atang khan DCPO Pu James Lalthangmawia hovin Khawzawl khawpui chhung hmun hrang hrangah District Task Force for Child Labour (Prohibition & Regulation) te nen tangkawpin naupang kumtling lo dan lova hnathawk a chhawr an awm em tih an endik a, endikna hi hmun hrang hrang heng hmun - Chhipchhuan Bazar, Taidawnkawn Bazar leh Zuchhip Bazar-ah te neih a ni tawh a, endikna hi thla thar March thla thleng hmun hrang hrangah neih a ni ang.

DCPU hian vawiin hian Neihdawn GSA te hmalakna in Neihdawn khuaah Beti Bachao Beti Padhao Scheme (BBBP) for Awareness Programme on Digital Literacy & Cyber Security chungchangah Police te nen tangkawpin nu leh pa te tan Awareness Campaign an buatsaih bawk a. He Programme hi nikum September atangin Khawzawl Police te nen an kalpui tawh a, heng School - PES Vengthar Pastorate, PES Khawzawl, Govt.Little Flowers School, Govt. Model High School leh Govt. High School-ah te an nei tawh a ni.