1662/2025-2026

Khawzawl, dated 30th September 2025: Vawiin khan Khawzawl District Civil Supplies Officer Pu CC Sakhawliana chuan a bial pumpui chhunga Retailer-te hnenah Iris Scanner a sem chhuak a, hei hi ePos machine atanga kut zungtang ( finger print) hmuh theih loh avanga mipui harsatna awm thin sut kianna atan sawrkar ruahmanna a ni.

CSO chuan Ration Card-a hming chuang, a bik takin AAY & PHH (Card eng & Card pawl) te chu eKYC ti vek tura ruahman niin eKYC hi mahni Ration lakna Retailer-ah kher tih ngai lovin, Retailer tu hnenah pawh tih theih vek a nih thu a sawi a. Tun atanga hun reilo teah ePos machine leh digital weighing scale hman mek aia tha zawk pek vek an la nih tur thu leh supply kudam tinah pawh digital weighing scale dah thuai tur a nih thu a sawi bawk. Retailer-te chu Ration Card neitute hnenah Buhfai buk dik taka pe chhuak thin tur leh mahni hamthatna chauh ngaihtuah lova, mipui rawngbawl an ni tih hre renga dik taka hna thawk turin a fuih a. Retailer dawr hawn hun chhung sawrkarin a siam chu ngai pawimawh leh zawm turin Retailer-te a hriattir bawk a ni.