682/2025-2026

Khawzawl, dated 31st May 2025: Vawiin khan Khawzawlah thlipui leh ruahtui a tam vangin hmun hrang hrangah lei a min a, Khawzawl District Disaster Management Authority (DDMA) hotute chu Chairman leh Khawzawl DC ni bawk Pu K. Vanlalthiana hovin an inhmukhawm a, Khawzawla chhiatna hmun hrang hrang an tlawh chhuak a ni.

Khawzawl tlawh chhuak tur hian team pathum siam niin Addl. DC te, SDC te, DIPRO te leh Police hotute an tel a, 2nd IR Battalion atangin State Disaster Response Force (SDRF) te'n an tawiawm bawk a ni. Team te hian Village Council (VC) hruaitute tlawhin an veng huamchina chhiatna thleng chungchang report an la a, silpaulin leh tanpuina dang an mamawh ang ang te an pe nghal bawk a ni. SDRF te hian silpaulin phah leh hnathawh tul dang an thawk nghal bawk a, Quick Response Team (QRT) te'n zing atangin hmun hrang hrangah hetiang tanpuina hi an lo pe tawh bawk a ni.

Khawzawlah hian hmun hrang hrangah leimin leh leitawlh vanga kawng kal theih loh te, bungrua chhia te leh luikawr hnawh te a awm a, hliam leh thi erawh an awm lo nia hriat a ni. Heng chhiatna leh buaina te hi VC te leh DDMA te thawhhona zarah rang taka buaipui nghal an ni.