681/2025-2026

Khawzawl, dated 31st May 2025: Vawiin khan Khawzawl Darngawn YMA Hall-ah Darngawn Village Council chuan MCS, MBBS, HSLC leh HSSLC exam a hlawhtling changte tan lawmpuina hun an buatsaih a, Khawzawl SP Pu F. Lalbiakzauva'n khuallian leh resource person niin hun a hmanpui.

Khuallian Pu F. Lalbiakzauva chuan thu sawiin hlawhtlinna chang zawng zawng te a lawmpuiin a ngaisang hle a ni tih a sawi a, zirna emaw hnathawhnaa an kal leh zelna turah duhsakna sang ber a hlan. Ruihhlo leh thil sualin mi nun a tihchhiat nasat em avangin fihlim hram turin a chah a, kalkawng thlan uluk hle a tul thu te a sawi a ni.

He hun hi Darngawn VC President Pu Vanlalbiakzara'n a kaihruai a, Vice President Pu Lalfelkima'n lawmpuina thu sawiin Secretary Pu Vanlalhlutawma'n lawmpuina thilpek hlanna hun a kaihruai. Heng bakah hian cake zaina hun te, zai ngaihthlak te leh thusawi tawi hrang hrang a awm bawk a ni.