680/2025-2026

Aizawl dated 31st May 2025: Tun thla ni 24 May 2025 atanga ruah sur nasat avanga Mizoram hmun hrang hranga chhiatna thlengte a tul angin Disaster Management & Rehabilitation Department chuan vilin hma a la zui zel a. Vawiin chawhma khan Prof. Lalnilawma, Minister, DM&R hovin State Emergency Operation Centre, Directorate of Disaster Management & Rehabilitation, Chawnpui, Aizawlah chhiatna hrang hrang thlengte vil zawm niin a tul angin chhawmdawl hna kalpui dan tur ruahmannate siam a ni a. Pi K.Lalrinzuali, Secretary, DM&R, Pi Zarzokimi, Joint Secretary, Pu R.Vanrengpuia, Director leh DM&R a thawktute an awm bawk a. Chhiatna thlenna hmun hrang hrangte an tlawh nghal bawk a ni.

Prof. Lalnilawma, Minister DM&R chuan Mizoram hmun hrang hranga khuarel chhiatna thleng chu pawi a tih thu sawiin Sawrkarin DM&R Department kaltlanga chhawmdawl hna theihtawp chhuaha an kalpui thu a sawi a. Chhiatna tawk chhungkuate a tawrhpui thu sawiin Sawrkar atanga tanpuina awm thei ang angte leh India khua leh tui, nunna chan  chhungte hnenah Ex Gratia cheng nuai 4 an ruahman sak nghal zel tur thu a sawi.

DM&R Minister chuan chhawmdawl hna thawhna kawngah zo nun ze mawi, tlawmngaihna hmuh tur tam tak awm chu thlamuanthlak a tih thu sawiin khawtlang, tlawmngai pawl leh mimal, mahni sahimna dah bo a, midang harsatna chhawk tur a che chhuak thinte chu mizo nih tinuamtute an nih thu a sawi a. Keimahni zawn theuh a chhiatna thleng thei venpuitu nih tum turin leh DM&R Department tha tichaktu ni turin, a tul apaingah DM&R Deparment-a thawktute chu be pawp thin turin mipuite a chah bawk a ni.

DM & R Minister leh DM & R Department-a thawktute bakah Aizawl District Disaster Management Authority-te chuan Aizawl district huam chhunga chhiatna thlenna hmun hrang hrang a hmun ah an endik a, khawtlang hruaitute leh tlawmngai pawl hruaituten an tawiawm a ni. Ruah sur nasa avang hian PHE Pump House engemaw zah a khawl te pawh hmun him lamah thiar a ni a. Tui a nut rih em avangin tui sem chhuah kawngah harsatna a awm theih thu tarlan niin tui renchemna kawngah leh ruah tui khawl kawnga tan lak a ngaih thu Minister hian a sawi bawk a ni. He thu buatsaih laia Mizoram hmun hrang hranga ruah sur nasa avanga chhiatna thleng, SEOC-a dawn te chu a hnuai a tarlan ang hi a ni;

Report form.xlsx