679/2025-2026

Dated Serchhip, the 31st May, 2025: Incident Commander Pu Lalrinzuala, Addl. DC hoin Serchhipah DEOC activate niin hmalak mek a ni a. Serchhip khawpui chhunga chhiatna thleng mek te thlirhoin hmalak dan tur ruahmanna siam nghal a ni a. VC te kaihhruaina hnuaiah VDMC te an che chhuak nghal bawk.

Serchhip by-pass road ah leimin nasa tak a awm a. Sesah lui lian avangin kawng a ping hneh hle a. Tuikhuah veng lei tlahniam bulah National Highway kawngpui bal a awm bawk a. Tun dinhmunah hian Serchhip atanga chhim lam zawng hi kalpawh theih a ni rih lo. Serchhip leh Aizawl inkar kawngpuiah erawh harsatna a awm rih lo ni a hriat a ni.

Serchhipin power supply a dawnna kawng pathum - Zuangtui to Bukpui, Melriat to Kawmzawl via Thenzawl, Zuangtui to Khawzawl via East Lungdar atangin khawiah mah power supply kan dawng thei lo a. Buaipui mek a ni. Power Supply a dawng thei ta a nih pawhin leimin leh thingtlu avangin power supply hi pek chhuah ngam a ni dawn rih lo. P&E Department ten hma an la mek.

Zonal Officer te bakah PWD, P&E, PHE, police, Quick Response Team, khawtlang hruaitute leh tlawmngai pawlte an che chhuak nghal a. Report kim chang  zawkin vawiin chawhnuah neih theih beisei a ni.