529/2026-2027

Dated Khawzawl, the 14th May, 2026 : Vawiin khan Khawzawl District Disaster Management Authority (DDMA) chu an Chairman, Khawzawl Bawrhsap Pu K. Vanlalthiana kaihhruaiin an DC Conference Hall-ah an thukhawm.

He thutkhawmah hian khuarel chhiatna a lo thlena mipuite, DM&R leh State & District Disaster Management Authority (SDMA & DDMA) te’n rang taka chanchin an inhrilhhriat zung zung theihna leh record felfai taka dah ṭhat theihna tur Khuarel App hman dan thlirho a ni a. Khuarel chhiatna a thlen thulha District Emergency Operation Centre (DEOC) atanga engtik lai pawha che chhuak thei tur Quick Response Team (QRT) chu tihnun (activate) tura rel a ni a. Line department hrang hrang hotute atangin khuarel chhiatna thleng thei laka an inbuatsaihna leh hmalaknate ngaihthlak a ni.

DDMA Chairman Pu K. Vanlalthiana chuan chhiatrupna a thlen thulha chhiatna tawkte tan awm lailawkna tur evacuation centre atan community hall, school leh sawrkar hmun dangte ruat a nih thu a sawi a. Fur ruahtui tling lova a luan theih nan tuiluankawr (side drain) tihfai leh tha taka enkawl a pawimawh thu sawiin, hemi atan hian District Local Administration Officer (DLAO), Khawzawl chuan Village Council (VC) zawng zawngte chu an khua theuha tuiluankawrte tifai leh siamṭha tura 'Run Thlak Hnatlang' buatsaih tura ngen nise tiin thutlukna siam a ni.