2536/2023-2024
Khawzawl, 29th October 2023: Khawzawl District Election Officer Pu K. Lalrohlua chuan a hnuaia mi ang hian Silent Period chungchanga Political Party, Candidate leh mipuite hriattur hriattirna a chhuah.
Mizoram Legislative Assembly, 2023 inthlanpui 7th November, 2023 a neih turah Inthlanna muanawm leh felfai tak neih a nih theih nan heng a hnuaia tarlan te hi zawm theuh turin 22-Tuichang (ST) A/C mipuite kan inngenin kan inhriattir a ni.
i. Representation of the People Act, 1951 section 126 chuan Constituency- a vote thlak hun tawp atanga chhiar leta darkar 48 (i.e. ni 5 November, 2023 tlai dar 4 pm) atangin Television (TV) emaw hmanraw dang hmanga inthlan kaihnawih thil tarlan leh tihchhuah a khap tlat a ni.
ii. He darkar 48 chhung hian Inthlan kaihhnawih thila vantlang inkhawm khap tlat a ni a, mi tumahin inthlan kaihnawih thil television-ah emaw cinema-ah emaw media dangah emaw mipui hmuh theih turin an phochhuak tur a ni lo. He thupek zawm lo te chu kum hnih thleng lungin tan tir emaw lei chawi tir emaw, a pahniha hrem theih an ni.
iii. Silent Period ni 5 November, 2023 tlai dar 4 pm hman anih atangin Campaign period a tawp a. Silent Period hman anih hnu ah 22-Tuichang (ST) A/C huamchhunga Vote nei te chauh awm phal an ni tawh a ni.
He hun, Silent Period hi ni 5 November, 2023 tlai dar 4 pm atanga inthlan zawh, ni 7 November, 2023 tlai dar 4 pm chhung hian Khawzawl District-ah pawh khauh taka kalpui tum a ni.
Flying Squad, Static Surveillance Team, etc ten dan bawhchhiatna a awm leh awm loh an fan kual reng dawn bakah Media Certification & Monitoring Committee (MCMC) ten Media leh Social Media te pawh ngun takin an vil reng dawn bawk a ni.
Candidates leh Political Parties ten he hun ‘Silent Period’, ni 5 November, 2023 tlai dar 4 pm atanga inthlan zawh thleng hi tha taka zawm a nih theih nan leh an lo inruahman lawk theih nan he ngenna hi siam a ni.
