2535/2023-2024

Dated Siaha 28th October 2023: Vawiin khan Mizoram Legislative Assembly 2023 inthlanpui lo awm tura 40-Palak (ST) A/C Polling Station hrang hranga hman tur EVM commissioning chu DRDO Conference Hall-ah neih a ni a. Election General Observer, Pu P.S. Pradyumna, Pu Lalhmunsanga Hnamte, District Election Officer, Pi Marilyn Rualzakhumthangi Returning Officer, Asst.Returning Officer Pi R. Lalnunkimi, Pu Ngurthansanga leh Pu J. Lalhmahruaia bakah party aiawhte an tel a ni.

Polling Station theuha hman tur Electronic Voting Machine (EVM) Control Unit (CU) leh Balloting Unit (BU) ruatfel tawhte chu EVM Commissioning-ah hian inthlan nia hman theih tawh turin buatsaih fel an ni a. EVM khawl buatsaihna neihpui tur hian Bharat Electronics Limited (BEL) leh Electronics Corporation of India Limited (ECIL) ataning engineer-te an lo tel bawk.

Nimin lamah 39-Saiha (ST) Assembly Constitency-a hman tur EVM Commissioning hi zawhfel a lo nitawh bawk a. EVM Commissioning ah hian 39-Saiha (ST) A/C- a hman tur khawl pakua leh 40-Palak (ST) A/C- a hman tur khawl sawm chu a chhiat avangin replacement tih nghal a ni.