2534/2023-2024

Khawzawl, 28th September 2023: Khawzawl District Election Officer Pu K. Lalrohlua chuan Postal Ballot thlak dan tur chungchangah a hnuaia mi ang hian thu chhuah a siam.

Mizoram Legislative Assembly, 2023 lo awm tur atana inthlanna chu kan hma lawk ni 7 November, 2023 (Thawhlehni) hian Mizoram hmun hrang hranga Polling Station-ah neih tur a ni dawn a. He inthlanna lo awm turah hian 22- Tuichang (ST) Assembly Constituency huam chhunga Election Duty-te, Absentee Voter leh Service Voter-te tan a hnuaia mi ang hian Vote thlak theih hun siam a ni:

Heng a hnuaia tarlan hmunah hian a chunga ni tarlan chhung hian chawhma dar 11:00 atanga tlai dar 03:00 chhungin Postal Ballot hmangin Vote thlak theih a ni ang.

1. Absentee Voters Person with Disability (AVPD) leh Absentee Voters Senior Citizens (AVSC) te tan ni 30 October, 2023-ah Postal Ballot hmang a Votethlak (Home Voting) neih a ni ang.

2. Postal Voting Centre for Absentee Voters Essential Service (AVES) te tan Basement – 1, Election Branch, DC Office, Khawzawlah hawn a ni ang.

3. Postal Facilitation Centre for Election Officials, Driver & Security duty-te tan Video Conference Room, First Floor, DC Office, Khawzawlah hawn a ni ang.

Postal Ballot thlak niah hian heng a hnuaia tarlante hi Attesting Officer duty tura ruat an ni.

1. V. Lalmuanpuii – Project Director, DRDO, Khawzawl

2. Elijah LH Sanga - Sub Deputy Commissioner, Khawzawl

3. Vantlangkhuma - Superintendent, DC Office, Khawzawl

4. Lalchhuanawma Ralte - District Information and Public Relation Officer, Khawzawl

Postal Facilitation Centre for Polling Official te tan ni 4 November, 2023- ah Govt. Khawzawl High School, Khawzawl Zuchhipah hawn a ni ang.