2533/2023-2024

Dated Siaha 28th October 2023: Election Commission of India (ECI) in kartin District Election Officer (DEO) leh Media-te inthlanpui chungchangah inhrilhhriatna (briefing) nei thin tura a tih angin vawiin khan Siaha District Election Officer Pu Lalhmunsanga Hnamte chuan DC Mini Conference Room-ah chanchinthar thehdarhtute a kawm.

Pu Lalhmunsanga Hnamte, District Election Officer (DEO) chuan inthlan felfai taka neih a nih theih nan theih tawp chhuah mek zel a ni, a ti a. Siaha District- a Assembly Constitency pahnih te chu Sector-17 ah then niin, 39-Saiha (ST) A/C- ah Sector- 6 awmin 40-Palak (ST) -ah Sector- 11 a awm a ti. Electronic Voting Machine (EVM) chungchang sawiin Election Commission of India in a phut angin Control Unit (CU) leh Balloting Unit (BU) chu 20 %, VVPAT chu 30 % reserves a awm tih a tarlang a. 39-Saiha (ST) A/C-ah BU-7, CU- 7, VVPAT- 13 awmin 40-Palak (ST) A/C -ah BU-8, CU-8 leh VVPAT-15 a awm a ti. EVM- te chu nimin Ni 27, October atang khan Commisioning neih tan niin, 39-Saiha-(ST) A/C -a hman tur chu Commissioning tihfel tawh niin vawiinah 40-Palak (ST) A/C- a hman tur chu zawhfel a nih tur thu a sawi.

Pu Lalhmunsanga Hnamte chuan Election campaign neih mek zel anih avangin Model Code of Conduct (MCC) bawhchhiatna a awm leh awm loh chu uluk taka vil reng a ni, a ti a. Flying Squad Team (FST), Video Surveillance Team (VST), Static Surveillance Team (SST) leh Video Viewing Team (VST)-te chuan hna an thawk tan nasa tawh hle a, FST leh VST- te chu a tulna hmun apiangah tirhchhuah mek zel an ni a ti.

Star Campaigner- te Siaha District chhungah campaign neiin an lo kal fo tih tarlangin, Pu Rajeev Chandrasekhar, Minister of State (Skill Development, Entrepreneurship and Electronics and Information Technology, GOI), Pu Y. Patton, Dy. Chief Minister, Nagaland leh Pu John Barla, Minister of State of Minority Affairs of India te chuan campaign an lo nei tawh tih a sawi a. Kar thar lamah hian Pu Rajnath Singh ( Defence Minster), Pu Amit Shah (Home Minister) leh Pi Priyanka Gandhi Vadra-te pawh an lo kal dawn thu a tarlang bawk. Star Campaigner-te hi uluk taka lo vil a tul hle tih tarlangin, Flying Squad Team leh Video Surveillance Team ten an vil reng dawn tih sawiin, a tul chuan Officer- te pawh star Campaigner te hun hmannaah hian tirh an ni ang a ti bawk.

District Election Officer chuan ni 26, October khan Postal Ballot hmangin Polling Official ten vote an thlak tih a tarlang a. 39-Saiha (ST) A/C ah vote- 242 leh 40-Palak (ST) A/C ah vote -133 tlain a vaiin vote -375 a tlak thu a sawi a. Ni 30, October hian Driver ten vote an thlak ve ang a, ni 31, October hian Police lam ten vote an thlak ve bawk dawn a ni, a ti.

Kum upa ( kum 80 chunglam) leh Person with Disabilities (PwD) te tan Home Voting ( mahni In lama vote thlak) chu kalpui a nih thu DEO hian a sawi a. Home Voting ti tur te hian BLO- te hnenah hming an thehlut a ni, a ti a, Home Voting hmanga vote thlak tur hi 39-Saiha (ST) A/C-ah mi 69 awmin 40-Palak (ST) A/C -ah hian mi 84 an awm a ti a. PwD bikah hian 39-Saiha (ST) ah mi pali awmin 40-Palak lamah erawh an awm lo tih a sawi . Home Voting buaipui tur hian Polling party -16 awmin 39-Saiha (ST) A/C- ah 9 leh 40-Palak (ST) A/C- ah 7 te an ni a. Home Voting hi ni 30, October hian neih a nih tur thu DEO hian a tarlang bawk.

Pu Lalhmunsanga Hnamte, DEO chuan Polling Official- te chu training vawi hnih pek an nih tawh thu a sawi a. Polling Party pariat (8) te chu vote thlak ni hma ni hnih (P-2) ah tirchhuah annih tur thu tarlangin, Polling Party dang chu vote thlak ni ah hian tirhchhuah an ni ang a ti. Inthlanna ralmuang tak a awm theih nan, dan leh thupek kengkawh turin BSF Company pahnih te chu tundinhmunah Siaha District -ah an duty mek tih sawiin, BSF Company pakhat an lo thlen belh leh dawn tih a sawi bawk.

Polling Station tinah Assured Minimum Facilities (AMF) - tui, electric, toilet, ramp leh a dangte dah vek turin hmalak mek a nih thu sawiin, District Election Officer chuan tun dinhmunah Polling Station motor luh theihlohna a awm lo tih a sawi a, Critical Polling Station pawh Siaha District chhunga Assembly Constitency pahnihah hian a awm lo tih a tarlang a ni.

Vawiina District Election Officer leh chanchinthar thehdarhtute inkawmnaah hian Siaha District chhunga MJA member-te bakah District Information & Public Relations Officer-a tel thei bawk.