2239/2023-2024

Khawzawl, 9th October 2023: Khawzawl DEO, Bawrhsap ni bawk Pu K. Lalrohlua chuan a hnuaia mi ang hian mipui punkhawm/ aurinna hman leh non commercial helipad hman phalna dil dan tur a tichhuak.

Mizoram Inthlanpui 2023 chu Election Commission of India chuan October ni 9, 2023 hian a lo puang ta a. Inthlan puan a nih takah chuan Model Code of Conduct pawh hman tan a lo ni ta a ni.

Chuvangin, political party leh candidate tupawh 

a) public meeting/ kawngzawh/ punkhawm/buatsaih duh leh aurinna hmang duh te bakah
b) Non- Commercial Airport/ Helipad hmang duh te dilna chu SUVIDHA web application hmanga ngaihtuah sak tur an ni.

Dilna thehluttu (Candidate/ Election Agent/ Political Party) te chuan a chunga tarlan tak te hi hman/ neih an dil dawn a nih chuan ‘proforma’ ruat bik hmangin dilna hi an thehlut tur a ni a. ECI guidelines on expenditure monitoring Annexure D1 in a tarlan angin an thil huaihawt/ hman tura an senso zat tur te chu chiang takin dilna rual hian an thehlut tur a ni a; dan leh thupek kenkawh bakah thil dang ruahmanna tihchian a nih vat theih nan   dilna hi thil huaihawt/ hman hun thlen hma darkar 48-ah thehluh ngei tur a ni.

Lirthei leh thil dang hman phalna hi a changtu RO in a pe chhuak ang a; dilna hi Nodal Officer (DC Office a Suvidha changtu) kaltlanga ngaihtuah sak tur niin phalna hi a dil hmasa apiangte hnenah pek tur a ni.

Phalna pek a nih hnuah, phalna pekna copy bakah Annexure D1 a proforma fill up tak te nen  Nodal Officer, Control Room leh Nodal Officer, EEM te hnenah pek tur a ni a. Anni hian Flying Squads leh Video Surveillance Team te hnenah phalna hi an hlan chhawng ang.

Candiate, Election Agents leh Political Party zawng zawng te chu a chunga thupek hi tha taka zawm tura hriattir an ni.

Annexure-D1- Application for public meeting etc.pdf