DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/khawzawl-district-chhunga-sawrkar-poster-leh-a-dangte-la-thla-tura-deo-hriattirnap

KHAWZAWL DISTRICT CHHUNGA SAWRKAR POSTER LEH A DANGTE LA THLA TURA DEO HRIATTIRNA

2240/2023-2024

Khawzawl, 9th October 2023: Khawzawl DEO Pu K. Lalrohlua chuan a hnuaia mi ang hian hriattirna a tichhuak.

Mizoram Inthlanpui 2023 chu Election Commission of India chuan October ni 9, 2023 hian a lo puang ta a. Inthlan puan a nih takah chuan Model Code of Conduct pawh hman tan a lo ni ta a ni.

Chuvangin, Khawzawl District chhunga State leh Central sawrkar office bakah Public Undertakings heng NEEPCO, ICAR, JNV, BSNL, Coffee Board leh a dangte a Central emaw State Sawrkar Minister te thlalak leh an thuchah chuanna zawng zawng - banga ziah, poster, paper, cutout hoarding, banner, flags leh heng lam lanna reng reng te chu inthlan puan atanga darkar 24 hmaa lak thlak vek tur a ni. (i.e 10.10.2023 chhun dar 12 hma). Khawzawl District chhunga Head of Office zawng zawng te chu Khawzawl DEO Pu K. Lalrohlua hnenah naktuk October ni 10, 2023 hma ngeiin compliance report thehlut vek tura hriattir an ni.