4204/2023-2024

Khawzawl, 16^th March 2024: Khawzawl DEO, Bawrhsap ni bawk Pu K. Lalrohlua chuan a hnuaia mi ang hian Official motor inthlan campaign a hman khapna thupek a chhuah.

Lok Sabha Inthlanpui 2024 chu Election Commission of India chuan March ni 16, 2024 hian a lo puang ta a. Inthlan puan a nih takah chuan Model Code of Conduct pawh hman tan a lo ni ta a ni.

Chuvangin, political party, candidate emaw inthlan a inhnamhnawih tupawhin official motor inthlan kaihhnawih campaign leh inthlan kalpui a nih chhunga veivah nan a hman hi khap a ni tih kan inhriattir e.

He thupek a ‘official motor’ tih hian eng motor zin veivah nan a hman thin emaw hman theih, khawl chakna emaw eng chakna pawha tihnun theih phawt chu a huam a. Central / State / Municipal sawrkar/ local bodies/ marketing board, corporative societies te motor emaw sawrkar sum (a vai a sawrkar tum ni lo thlengin) hmanga lei motor eng pawh (trucks, lories, tempos, jeeps, cars, auto rickshaws, autos, bus) a huam ang.