4203/2023-2024
Hnahthial the 16th March 2024: April ni 19, 2024 a MP inthlan lo thleng turah Hnahthial District Magistrate Pu Chuauhnuna chuan poster leh pamphlet chhut chhuah chungchangah a hnuai ang hian thu a chhuah.
ORDER
General Election to the Member of Parliament (Lok Sabha), 2024 lo awm tur ah Section 127 A, Representation of the People Act, 1951 in Poster, pamphlet etc chhut chungchanga phal chin chu hengte hi an ni.
1. Mi tumahin inthlan kaihhnawih poster/pamphlet a chhutin emaw, chhu tura hma a lakin emaw a chhutu leh chhuahtu hming leh address lang tel lovin an chhuin an chhuah tur a ni lo.
2. Inthlan kaihhnawih poster/pamphlet chhut a nih chuan hengte hi zawm ngei ngei tur:-
(a) chhut tura thu petu chuan midang pahnih hriatpuina hming ziak nen a chhutu hnenah a chhuahtu (publisher) nihna kimchang ziahna (declaration) copy hnih (duplicate) a pe ang.
(b) A chhutu chuan a thu chhut copy khat leh declaration copy chu heng mite hnenah hian a pe hmasa ang
（i) State capital- a chhut a nih chuan, Chief Electoral Officer hnenah.
（ii）Hmun danga chhut a nih chuan a chhutna hmuna District magistrate hnenah.
3. Hemi chungchang bikah hian:-
(a) Lehkha eng pawh a copy tihpun a nih a, kutziaka lakchhawn ni lo chu 'khawl chhut' anga chhiar vek tur a ni a, 'a chhutư tih tarlan tulna hian a huam vek.
(b)"Inthlan kaihhnawih poster leh phamphlet" tih hian khawla chhut pamphlet, handbill (lehkha phek te) leh lehkha semdarh chi dang eng pawh, candidate tu emaw fakna leh sawiselna keng tel reng reng a huam a. Amaherawhchu, lehkha phek te emaw, poster emaw thuziak dang, candidate tu emaw fakna emaw sawiselna lam emaw ni lem lo, vantlang inkhawm hun puanzarna ang chi te leh party mite thu pawimawh inhrilhhriatna lehkha ang chi te chu a huam lo.
4. He dan, Sub Section (1) leh Sub Section (2) bawhchhia reng reng chu thla ruk thleng lung in tan leh Rs 2000/- thleng chawitir emaw, a pahnih emaw hmang hian hrem theih a ni.
