4202/2023-2024

Hnahthial the 16th March 2024: General Election to Lok Sabha, 2024 lo thleng tur inbuatsaihna kalzelah Hnahthial District Magistrate Pu Chuauhnuna chuan silai leh puak thei ken chhuah khapna thupek a hnuai ang hian a chhuah.

ORDER

Election Commission of India chuan General Election to Member of Parliament (Lok Sabha) 2024, inthlan hun atan ni 19/04/2024 a ruat a, chuvangin Election Model Code of Conduct chu vawiin 16/03/2024 atanga hman tan a ni. Tin, Election Commission of India chuan lehkha No.464/inst/2009/EPS Dt.01.09.2009 para 3.6 hmangin inthlan neihna tur State zawng zawngah silai ken chhuah khap a ngaih thu a tichhuak tawh bawk a. Chuvangin, kei CHUAUHNUNA, District Magistrate, Hnahthial District, Hnahthial hian Cr Pc Section 144 in thu neihna min pek hmangin Hnahthial District chhungah Silai eng chi pawh, Silai mu bakah puak thei thil engpawh he thupek tih chhuah ni atanga Election result puan ni thlengin tumahin an keng/pai/hmang chhuak tur a ni lo tih thupek ka tichhuak a. He thupek hian Magistrate, Police, Armed Forces leh BRTF mite a huam lovang. He thupek bawhchhia te chu IPC Section 188 hmangin hrem an ni ang.

Vawiin 16/03/2024 hian seal nen hming ka ziah hnan e.