4201/2023-2024

Vawiin 16^th March 2024 hian aDumAVar chuan Inter College Debate 2024 (Grand Finale Season 2) chu Dawrpui Multipurpose Hall-ah a buatsaih a, he Inter College Debate-ah hian Pu Lalnghinglova Hmar, Minister of State chuan khuallian niin hun a hmanpui a. He hunah hian Govt. Aizawl College, Pachhunga University College, Govt. Aizawl West College leh Govt. Hrangbana College te’n debate topic hrang hrangah in elna an nei a ni.

Sports and Youth Service Minister Pu Lalnghinglova Hmar (Chief Guest) chuan Inter Debate College Grand Finale 2024 a hawng hmasa a. He hunah hian thu sawiin  Zirlai naupangte’n debate culture hi kan chawinun mai ni lovin hmansawn zel tur anih anga uar zawka kalpui ṭha a tih thu a sawi. Debater-te hnenah debate hi intelectual playground a nih anga theihtawp chhuah turin a fuih a, ram danga awm thin a awh em em culture a nih thute sawiin, parliamentary debate in zirna hmun ṭha a nih dawn thu a sawi a, duhsakna a hlan a ni.

He debate chungchang hi Pu LTL Fela (CEO - aDumAVar) chuan sawihawnna neiin aDumAVar Debate-in a thil tumte sawi zauna a nei hmasa a.

He Debate ah hian Pu James LT Thanga (Associate Professor - Dept. of Economic, MZU), Pu Henry Zodinliana Pachuau (Associate Professor - Dept. of Social Work, MZU) leh Pi Laltanpuii Ralte (Associate Professor - Dept. of Public Administration, MZU) te Judge an ni a, 80% mark hi Judge ten pein 20% hi mipui vote atanga lak a ni a, app kaltlangin mipuiin an vote a ni.

College tinte hi team hnih (2) ah inthenin Debate Topic pali (4) ah te in elna hi kalpui hmasak a ni a. Inelna kalpui a nih zawh hian, College tiṭha team-te pahnih Pachhunga University College - Team 1 (Mover) leh Govt. Aizawl College (Opposer) te chuan Final Debate an chhunzawm nghal a ni. Final Debate-ah hian ‘Kan ram develop nan hnam dang business rawn neih kan phal a ngai’ tih topic a hmangin an in el a, Pachhunga University College te chu an Champion a ni.

Inter College Debate 2024 neih a nih hma hian heng College pali (4) ah te hian Intra College Round te neih tawh a ni bawk a ni.