2747/2023-2024

Khawzawl, 7th November 2023: Khawzawl District Administration hnuaia Assembly Constituency awmchhun 22-Tuichang bialah vawiin khan Mizoram Inthlanpui tluang taka neih a ni a. Zanin (7.11.2023) dar 09:43 khan Polling Party 28 ten Strong Room awmna Khawzawl DC Office an thleng kim a, General Observer Pu Amit Singh Bansal-a hovin EVM/VVPAT te hi Political Party te hriatpuinain Strong Room-ah dah luh nghal a ni.

Tuichang bialah hian vote 17508 a awm a, vote 14426 a tla a, vote awm za zela 82.39 a tla a ni. Polling Station 28 awmin - Hmeichhe enkawl ‘Pink Polling Station’ pathum - Arro, Khawzawl Zuchhip, Khawzawl Kawnzar; Thalai enkawl ‘All Youth Managed Polling Station’ pakhat Khawhai - I,  Model Polling Station - Khawzawl Zuchhip te an awm. Vote tlak thatna ber Polling Station chu - Hmuncheng PS niin vote za zela 92.74 % a ni a, a tlak chhiatna ber PS chu vote za zela 77.57% tlakna Sialhawk - I a ni.

Tuichang Bialah hian kum 2018 inthlan khan vote za zela 80.07% a tla a,  kumin inthlanah hian Postal Ballot tla te chhut tel la ni lo mahse inthlan hmasa a vote tla zat aia tam a tla tawh a ni.