4650/2025-2026

Dated Khawzawl, 28th February 2026: Vawiin chawhnu dar 1:00 khan Khawzawl District Hospital-ah Human Papillomavirus (HPV) Vaccine, Gardasil 4, (HPV Type 6, 11, 16, 18) cancer hrang hrang (a bikin Chhul Cancer) laka invenna, single dose chu pekchhuah a ni a, Khawzawl Bawrhsap Pu K. Vanlalthiana'n hawnna hun a hmang.

HPV vaccination Campaign Launching programme hi India ram pumpuiah vawiin khan Prime Minister-in a hawng a ni. Hemi rual hian Khawzawl District pawhin  Vaccine pek hmain inkhawm tawi neih a ni a, Pu Laldinsanga, DPM, CMO Khawzawl in kaihruaiin, Dr. Shahnaz M Zothanzami, Chief Medical Officer-in HPV Vaccine chungchang sawifiahna leh sawi zauna a nei a ni.

Khawzawl District hnuaiah Vaccine pekna tur hmun PHC/CHC/DH (Rabung PHC, Kawlkulh PHC, Khawhai PHC, Sialhawk PHC, Biate CHC leh District Hospital Khawzawl) ah te hian kum 14 atanga kum 15 leh thla thum chinte Vaccine pek an ni a, District Hospital Khawzawl bikah hian Govt. Little Flower School zirlai thlan chhuahte hnenah HPV vaccine single dose hi pek an ni. 

Human Papilloma Virus (HPV) Vaccine, Gardasil 4 hi khawvel ram hrang hrang 155-ah pek tawh niin India ram ah pawh vawiin atang hian pek tan a ni. Vaccination campaign hi thla thum (3) chhungin target beneficieries te hnenah pek kim vek theih beisei a ni.