4649/2025-2026

Dated Serchhip, the 28th February, 2026: Nimin February 27, 2026 zan dar 7 khan Serchhip DC Pu Paul L Khuma chuan Sub-Headquarters YMA, Serchhip buatsaih kumpuan Ruihhlo Do hawnna hun, anmahni Hall-a buatsaih a hmanpui.

DC chuan ruihhlo do kawnga YMA te hmalakna fakin, police te leh excise department te nen tha taka an thawhhona avanga a lawm thu a sawi a. “Kan beih tur hi i hrechiang ang u” tiin ruihhlo do kawnga awmze nei zawka hma la thei tur chuan ruihhlo chu eng nge a nih a, mihringah engtin nge hna a thawh tih kan hriat chian a, kan zirchian a ngai a ni, a ti. Pu Paul L Khuma chuan Serchhip District huap ruihhlo ngai camping hlawhtling taka neih zawh tak chungchang sawiin, YMA te inpekna a fak a. Ruihhlo ngai ten an sim theihna tura tha thlah loa tang zel tur leh, a la ti ve ngai lo ten an tihchhin lohna turin mahni inchhung atanga bul tan theuh turin a sawm bawk a ni.

Additional SP Pu H Lalduata pawhin YMA member ten ruihhlo do kawnga sawt zawka hma an lak theih nan sawrkar dan te leh hriattur pawimawh dangte inhrilhhriatna hun a hmang a ni.

Kumpuan hawnna programme ah hian Serchhip Sub-Headquarters YMA Pu Kawlthuama pawhin fuihna thu a sawi a. Kumpuan Committee Chairman Pu PC Vanlalluna’n programme a kaihruai a. Sub-Headquarters Anti Drug Squad (SADS) Chairman Pu PB Malsawma’n lawmthu sawiin hun a khar a ni.