86/2024-2025 

Khawzawl, 8th February 2024: Lok Sabha Inthlanpui 2024 neih tura inbuatsaihna kal zelah tukin khan Khawzawl District-a (22-Tuichang Assembly Segment) kum 85 chunglam leh vohbik (PwD) te anmahni in ngeia vote thlak tir turin Home Voting Team 6 an kal chhuak a. Home Voting Team fehchhuak tur te hi zing dar 06:00 khan Pu Vabeimozachhi Chozah, SDO (Sadar) chuan Khawzawl Bawrhsap pisa tual atangin a vailiam.

Khawzawl District Administration hnuaia Assembly Segment awmchhun 22-Tuichang AS ah hian in lama vote thlak dil mi 109 an awm a. Home Voting Team te hian April ni 8 leh ni 9 chhung hian an tlawh chhuak ang.

Vawiin atang vek khan Khawzawl DC Auditorium-ah Essential Service Duty te tan Postal Ballot hmanga vote thlakna hun hawn tan a ni a. Khawzawl District chhungah he ruahmanna (AVES) hnuaia vote thlak dil hi mi paruk – mipa 4 leh hmeichhia 2 an awm a, vawiin khan an vaiin an thlak kim nghal a ni.