87/2024-2025 

Kolasib dated 8th April 2024: Vawiin chhun khan DC Conference Hall, Kolasibah Pu Madhup Vyas, Chief Electoral Officer chuan Lok Sabha MP inthlanpui nei tur a Kolasib district-a inbuatsaihna hrang hrang kalpui dan endikin Election kaihhnawih a Nodal Officer leh Sector Magistrate-te a thutkhawmpui.

Pu Madhap Vyas, CEO chuan mipui aiawh thlan chhuahna tura vote thlak ngaih pawimawh kawng ah State dangte entawntlak khawp a ‘Model State’ ni tur a tan lak a pawimawh thu sawiin MLA inthlanna nen a khaikhin chuan Lok Sabha MP inthlanna ah vote a tlak tlem hle thin thu a sawi a. Kan aiawh a rorelna sang a ding tur thlan chhuahna a vote thlak thei nih a hlut zia inzirtir a tul thu sawiin vote thlak zat dik tak hriat theih nan Electoral Roll uluk tak a ennawn leh vawn that a ngaih thu a sawi bawk a ni.

Pi Christina Lalmuanzuali, Election Officer chuan Lok Sabha MP inthlanna neih tur a Kolasib a inbuatsaihna hrang hrang kalpui a nih dan tarlangin Vote nei mi 63819 an awm thu te, chung zing a mi 2853 chu vote nei thar, kum 18 leh 19 inkar an nih thu a sawi a. Vote thlakna tur Polling Station 89 zing a 11 chu hmeichhe enkawl,’ Women managed Polling Station’ a nih tur thu leh Polling Station za zel a 60 chu internet nen a thlunzawm a Web Casting hmang a vil theih tur a ruahman a nih thu a sawi.

Vawiin thutkhawmna hi Pu John LT Sanga, Deputy Commissioner-in kaihruaiin kalkhawmte inhmelhriattirna hun neih a ni a. Pu David H Thangliana, SP chuan inthlanna kalpui chhung a dan leh thupek kenkawh a nih theih nana inbuatsaih dan sawi zauna hun a hmang a. Inthlan hun a Election official-te leh vote thlak tur te tan Polling Station-ah inthiarna, tui intur thianghlim leh kawlphetha thlunzawm a nih dan te tarlan niin mipui hnen ah ruah tui khawl pawimawh zia pho lang thei tur ‘Unique Polling Station’ buatsaih a nih thu tarlan a ni bawk.