2235/2023-2024
Khawzawl, 9th October 2023: Khawzawl Bawrhsap Pu K. Lalrohlua chuan CrPC Section 144-in thuneihna a pek angin, phalna la hmasa lova aurinna hman khal a nih thu a hnuaia mi ang hian thu a chhuah.
Mizoram Legislative Assembly Inthlanpui 2023 neih tur thu chu Election Commission of India-in a puan tak avang leh mipuiten zalen tak leh thlamuang taka vote an thlak theih nan, a hnuaia ziah lan khapna thupek hi chhuah a tula hriat a ni a.
Chuvangin, kei K. LALROHLUA, District Magistrate, Khawzawl District hian section 144 CrPC-in thuneihna min pek angin, Khawzawl District huam chhungah pawl emaw mimal emawin phalna la hmasa lovin aurinna (Loudspeaker) hman phal a ni lo.
He thupek hi sut a nih loh chuan chhuah a nih atanga thla hnih (2) chhung a huam ang. He thupek zawm lote chu Section 188 IPC hmanga hrem an ni ang.
Vawiin October ni 9, 2023 hian Court Seal-a nemnghetin hming ka ziah hnan e.
