2236/2023-2024

Dated Aizawl,_9^th October, 2023: Election Commission of India chuan Press Note No. ECI/PN/57/2023 dt. 9th October, 2023 hmangin General Elections to the Mizoram Legislative Assembly, 2023 chu 7th November, 2023 (Thawhlehni)-a neih turin a puang a. A hnuaia mi ang hian Election Schedule a siam :

Commission thuchhuak hrang hrang bawhzuiin Chief Electoral Officer, Mizoram chuan Commission-in kalphung leh tih dan tur a zam angin election neih tura inbuatsaihna hrang hrang a hnuaia tarlante hi a thawk a ni -

1. Electoral Rolls: Ni 01.10.2023-a kum tling chin behchhana hmangin Electoral Roll ennawnna 2nd Special Summary Revision of Photo Electoral Roll, 2023 chu tluang taka neih a ni a. Final Electoral Roll hi October ni 4, 2023-ah tlangzarh a ni. Final Electoral Roll-ah hian mipa 4,12,969, hmeichhia 4,38,925 leh service elector 4,973 an awm a, a vaiin vote nei thei hi mi 8,56,868 an ni. Electoral Roll nihphung tlangpui chu hetiang hi a ni :- 

1. Elector tamna ber District : Aizawl (286807)

2. Elector tlemna ber District : Hnahthial (16294)

3. Elector tamna ber Assembly Constituency: 36-Tuichawng (Lawngtlai District) - 36042

4. Elector tlemna ber Assembly Constituency: 34-Thorang (Lunglei District) - 14909

5. Mipa 1000 zela hmeichhe awm zat (Gender Ratio of 2023) (2nd SSR) : 1063

6. Hmeichhe elector aia mipa elector tamna District: Mamit (Gender Ratio - 980 i.e male - 32723 & female - 32064)

7. Hmeichhe elector aia mipa elector tamna Assembly Constituencies: 1- Hachhek, 2-Dampa, 3-Mamit, 25-East Tuipui, 34-Thorang, 35-West Tuipui, 36-Tuichawng, 37-Lawngtlai West, 8-Chalfilh, 21-Lengteng

8. Part/Polling Station-a Elector tamna ber : 13/24 - Zemabawk VIII (13-Aizawl East I AC, Aizawl District) - 1481 Electors

9. Part/Polling Station-a elector tlemna ber: 34/24 - Thehlep (34-Thorang AC, Lunglei District) - 26 Electors

11. Young Voter zat (Kum18-19 inkar) - 50611

12. Senior Citizen Voter zat (Kum 80 chin chung lam) - 8490

13. Electoral Roll-a Persons with Disability (PwD) Electors chhinchhiah zat - 3243 (male - 1787 & female - 1456)

14. Polling Stations zat : 1276 (Urban - 525 & Rural - 751)

15. Legislative Assembly Elections, 2018-a Polling Stations zat : 1164 (Urban - 450 & Rural - 714)

16. Polling Stations punna: 112 (Urban - 75 & Rural - 37)

2. Polling Stations: Mizoram-ah inthlan neihna tur Polling Station 1276 a   awm  a. Polling Station zawng zawngah hian Commission-in awm tura  a  tih  Assured Minimum Facilities (AMF) te chu dah vek a ni ang. Assembly Constituency tinah hmeichhia-in an vil leh Persons with Disabilities te’n an vil polling station pakhat tal a awm dawn a. Assembly Constituency tinah vote thlaktute tualchhuak hmanraw hmanga siam leh zia tarlanna Model Polling Station pakhat tal a awm bawk dawn a ni. Hei bakah hian election-a thalaite an tel leh tha an thawh tam zel pawimawhna tarlang turin District tinah Polling Station pakhat tal chu election hnathawk naupang berte awmna Polling team- in an vil dawn a ni. Commission thupek angin critical polling station zawng zawngah leh polling station awm zawng zawng zatve (50%) aia tlem lovah webcasting tih tum a ni.

3. Postal ballot/home voting facility: He facility hi PwD Voters, leh 80+ Senior Citizens te hnenah pek tel a ni ang. Inthlana tih dan phung pangngaia Returning Officer 1 leh Assistant Returning Officer 1 ruat thin pawh he ruahmanna hi tluang tak leh fel taka kalpui a nih theih nan hemi pual atan hian Assembly Constituency tinah Additional Assistant Returning Officer (ARO) ruat an ni. A vaiin Returning Officer 40, Asst. Returning Officer 40 leh Addl. Returning Officer 40 ruat a ni.

4. Eco-friendly elections: Election Commission of India chuan political party te leh candidate te chu single-use plastic leh tawih theih lo hmanrua hmanga campaign kalpui lo tur leh environment tana him hmanrua chauh hmang turin a ngenin a beisei a. Hriselna leh environment venhim a nih theih nan political party zawng zawngte’n single-use plastic hmanga campaign-na bungrua (poster, banner, etc) siam a nih loh nan hma an la ngei tur a ni.

5. Law and Order, Security Arrangements and Deployment of Forces: Venhimna mamawh dan tur ngun taka chhut niin State Police mi 3000 chuang bakah Central Armed Police Forces (CAPF) section 450 vel te chu Inthlanpui neih turah hian duty tir an ni ang.

6. Election Expenditure Monitoring: Election-a candidate te sum hman dan ngun taka vil turin Assistant Expenditure Observers, Flying Squads (FS), Static Surveillance Teams(SST), Video Surveillance Teams(VST), Video Viewing Teams(VVT), Accounting Teams(AT), Media Certification & Monitoring Committee (MCMC), District Expenditure Monitoring Committee (DEMC) te dah an ni a. Heng bakah hian enforcement agencies hrang, State Police, State Excise, State Tax, Investigation Directorate of Income Tax Deptt., CBIC, Enforcement Directorate, Financial Intelligence Unit (FIU-IND), DRI, RPF, BCAS, CISF, BSF, Assam Rifles, ITBP, ICG, Commercial Tax Department, Narcotics Control Bureau and Department of Post te chuan inthlan puan a nih atangin hna an thawk tan dawn a. State Excise Department chuan Mizoram Liquor (Prohibition) Act, 2019 chu khauh takin a kengkawh dawn a ni.

7. Use of Media & Information Technology(IT) : Addl. Chief Electoral Officer, Mizoram kaihhruaina hnuaiah State Level Media Cell din a ni a. Election laia media hrang hrang tangkai taka hman a nih theih nan leh media mite nena inpawhtlang tak leh anni nena thawh hona tha neih a nih theih nan Media Centre changtlung tak CEO Office-ah din a ni. Vote thlak ni leh vote chhiar nia hman turin Accredited media zawng zawngte hnenah Authority Letter pek a ni ang. State level ah leh district-ah te Media Certification and Monitoring Committees (MCMC) din a ni bawk a. Electronic media-a political advertisement chhuah tur nei reng reng chuan he committee remtihna (pre-certification) hi an la hmasa zel tur a ni. Social media hman sual leh paid news te vil turin Addl. Chief Electoral Officer kaihhruai Social Media Cell din a ni a, he Cell hian inthlan puan a nih atangin electronic, print leh social media-a thuchhuahte ngun takin an thlithlai dawn a ni.

Khua leh tuite zau zawka Election Process a an tel theih nan leh langtlang taka thil kalpui a nih theih nan Commission chuan nasa zawka IT Application hrang hrang - Voter Helpline Apps & NVSP Portal (voter 22 tan), Saksham App(PwDs tan), cVIGIL Apps (Inthlanna kaihhnawiha complaint thehluhna tur), Suvidha App & Portal (candidate leh political party te tan) leh Know Your Candidate App (candidate ten thubuai an neih chungchang, etc tarlanna) a siam a, hengte hi tangkai taka hman a ni ang.

8. Training: India International Institute of Democracy and Election Management (IIIDEM)-in training neih dan tur a duan ang takin State Level Master Trainers, District Level Master Trainers, Police Officers Training, Sector Officers, political party leh sawrkar department Nodal Officers te tan training neih fel a ni tawh a. Election-a thawktute leh chanvo nei zawng zawng ten tha taka an hna leh chanvo te an hlen vek theih nan district tinah training hi Vote thlak ni thleng neih chhunzawm zel a ni ang.

9. Systematic Voters’ Education and Electoral Participation (SVEEP) : Kum 2018 Inthlanpui-a vote tla zat, i.e, 80.03% khum a nih ngeina turin vote tlak tlemna hmunah te, a mi cheng vil zual ngaihna hmun (vulnerable community)- ah te SVEEP hmangin tih dan kawng hrang hrang hmangin hma lak a ni a. Heng hmunah hian vote thlak an punna turin District Election Officer-ten ruahmanna (Turn-out Implementation Plan) siamin hma an la a ni.

10. EVMs leh VVPATs : Tun Inthlanpui-ah hian ECIL siam M3 model thar ber EVM/VVPAT hman a ni dawn a. Commission chuan Inthlan hun atana hman daih zan tur Voter Verifiable Paper Audit Trail (VVPAT) leh Electronic Voting Machine (EVM) a rawn dah tawh a. First Level Checking (FLC) tihfel tawh 2,035 Ballot Unit (BU), 2,018 Control Unit (CU) leh 2021 Voter Verifiable Paper Audit Trail (VVPAT) kan nei tawh a, strong room-ah fel fai taka dah that thlap a ni tawh a ni. Mipuiin EVM/VVPAT hman dan an hmuh a, an zir theih nan District Election Officer leh Returning Officer te awmna hmunah EVM Demonstration Centre-te siam a ni a, polling station awmna zawng zawngah Mobile Demonstration Van te an kal kual reng bawk a. Hei hi inthlan puan hma zawngin kalpui a ni a, inthlan puan hnuah a ziak thehdarh hmangin chhunzawm zel a ni ang.

11. Model Code of Conduct: Inthlan puan (announce) ni, October 9, 2023 atangin Model Code of Conduct hman nghal a ni. Model Code of Conduct hi Mizoram pumah hman a ni a, candidate te, political party te leh sawrkar hnuaia awm zawng zawng ten an zawm tur a ni. MCC bawhchhiatna chu khawng takin umzui a ni dawn a. MCC-in a huam zawng zawngte chuan MCC chungchanga thuchhuahte an chhiarin an hre bel tur a ni a, MCC-in a sawite an zawm tur a ni.

Appeal: Mizoram General Assembly Election, 2023 tluang tak, thianghlim, fel, zalen, mi tin huap leh telna neih a nih theih nan Mizoram CEO chuan mi zawng zawngin theihtawp chhuaha thawhpui a, tawiawm turin a ngen a, inthlan chhunga chetvelna zawng zawngah media-te nena inrem taka thawk ho zel turin a ngen bawk a ni.

PRESS NOTE MIZO.pdf