4212/2023-2024

Khawzawl, 16^th March 2024: Khawzawl Bawrhsap Pu K. Lalrohlua chuan CrPC Section 144-in thuneihna a pek angin, phalna la hmasa lova aurinna hman khap a nih thu a hnuaia mi ang hian thu a chhuah.

General Election to Lok Sabha, 2024 neih tur thu chu Election Commission of India-in a puan tak avang leh mipuiten zalen tak leh thlamuang taka vote an thlak theih nan, a hnuaia ziah lan khapna thupek hi chhuah a ṭula hriat a ni a.

Chuvangin, kei K. LALROHLUA, District Magistrate, Khawzawl District hian section 144 CrPC-in thuneihna min pek angin, Khawzawl District huam chhungah pawl emaw mimal emawin phalna la hmasa lovin aurinna (Loudspeaker) hman phal a ni lo.

He thupek hi sut a nih loh chuan chhuah a nih atanga thla hnih (2) chhung a huam ang. He thupek zawm lote chu Section 188 IPC hmanga hrem an ni ang.

Vawiin March ni 16, 2024 hian Court Seal-a nemnghetin hming ka ziah hnan e.