No.4116/2021-2022

Aizawl, the 26th February, 2022: Khawzawl, the 25th February, 2022:  Tunkar chhung khan District Bawrhsap Pu C.C. Lalchhuangkima ruahmannain Khawzawl District chhunga Myanmar raltlan awmte tan dan leh hrai inzirtirna, Legal Awareness Campaign neih a ni a, DC aiawh leh Police ten raltlan awmna khaw hrang hrangte tlawhchhuakin zirtirna an pe a ni.


Legal Awareness Campaign hi Khawzawl khawpui chhunga raltlan awmte tan ni 22.02.2022 (Thawhlehni) khan DC Conference Hall, Khawzawl-ah neih a ni a. He huna Khuallian District Bawrhsap Pu C.C. Lalchhuangkima chuan raltlante chu India ram dan leh khawtlang inrelbawlnate zah chungin thlamuang taka awm turin a chah a. Dan bawhchhiatna hrang hrangah inhnamhnawih lo a, khawtlang tana mi tangkai leh chhenfakawm ni zawk turin a sawm a ni. DC bakah hian Pu James Lalnithanga, SDO(Sadar) & Nodal Officer, Khawzawl Joint Village Council aiawh leh Sub-Headquarters YMA aiawhte pawhin thu an sawi bawk. 

Khawzawl District chhunga raltlan awmna khaw dangahte chuan ni 23-25.02.2022 chhungin Legal Awareness Campaign hi kalpui a ni a. Pu James Lalnithanga, SDO(Sadar) leh Pu H. Lalramenga, SDC te kaihhruaiin DC Office leh District Police telna team pahnihin raltlante chu a hmunah kalchilhin, Mizorama an awm chhunga dan leh hrai chungchanga an hriattur pawimawh hrang hrang zirtirna an pe a ni. Raltlan awmna khuaa Village Council leh Branch YMA ten team member-te hi an lo tawiawm zel bawk. 

Khawzawl District-a raltlante chanchin chhinchhiah (profiling) leh ID siamsak pawh Legal Awareness Campaign neih rual hian kalpui nghal a ni a, tun atanga reiloteah zawh theih beisei a ni.

Attachment

  • Loading attachment...