No.4117/2021-2022
Aizawl,26th February, 2022 : Finance Department, Government of Mizoram chuan National Health Mission-Mizoram hnuaia thawkte hlawh chungchangah a hnuaia tarlan ang hian vawiin khan thuchhuah an siam.
National Health Mission-Mizoram (NHM) hnuaia thawkte hlawh hi NHM sum, Sorkar laipui aṭanga dawn aṭanga pek ṭhin a ni a, kumin bikah hian Sorkar laipuiin (Centrally-Sponsored Scheme) CSS fund release dan thar a siam avangin 1st instalment hi tunhnaiah dawn chauh a ni. Hei hi Public Financial Management System (PFMS) kal tlanga State Nodal Accounts a chhunluh ngai a ni a, chutianga ti tur chuan tih ngai tam tak a awm a, chungte chu Mizoram lama a thawktuten theihtawp chhuaha an tihfel vek tawh hnuah, technical problem pakhat, Delhi headquarters aṭanga chinfel ngai a awm a, heipawh hi a thawktuten bawhzui rengin siam ṭhat tawh a ni a. Chawlhkar tharah hi chuan bill hi dan thar angin treasury ah thehluh theih tura ruahman a ni. He bill hi thehluh a nih veleh a treasury atanga release turin NHM leh Finance department lam hotute pawhin an sawiho lawk vek tawh a ni.
1st installment hi tunhnaiah dawn chauh ni mah se Finance department leh NHM lam hotute ruahmanna in November 2021 thleng hlawh hi lo pek lawk tawh a ni a, tun dinhmunah hian NHM sum hi treasury ah tâng a awmlo a ni.
