3335/2022-2023

Khawzawl, the 24th January, 2023: Vawiin chawhma dar 11 khan Khawzawl District Bawrhsap Pu C.C. Lalchhuangkima kaihhruaiin NH6 kawng siam meka hmalak tawhna leh hmachhawpte ngaihtuahin DC Conference Hall-ah meeting neih a ni.

Bawrhsap Pu C.C. Lalchhuangkima chuan NH6 siam mek chungchanga hmalak tawhna leh hmalak zel dan turte sawiho angaih avanga meeting koh anih thu a sawi a. Kawng siam hna thawktute chu fur ruahtui tlak hma ngeia theihtawp chhuaha hna thawk tur leh thal khaw ro laia chak lehzuala thawk turin a chah a. Harsatna leh mamawh an neihte thuneitute hnena thlen thuai thin turin a chah a ni.

He hunah hian Line Department hrang hrangte hnen atangin utility shifting chungchanga an thlen chin leh harsatna an tawhte ngaihthlak niin, hmalak zel dan turte sawiho nghal a ni a. A tul dan azirin a huhova enfiahna joint verification neih nise an ti a, heng bakah hian missing plot chungchang pawh uluk taka sawiho a ni bawk a. National Highways and Infrastructure Development Corporation Limited (NHIDCL) hotuten report an pek bakah kawng siamtute atangin harsatna an tawhte ngaihtlak a ni a; an harsatna tawhte chinfel dan tur ngaihtuahho a ni bawk.

Meeting-ah hian Pu Lalvenhima Addl. DC, Competent Authority for Land Acquisition (CALA); Pu Lalringliana Pachuau Addl SP; DC Office-a Officer dangte; Line Department hotute bakah NHIDCL lam atangin Pu Abhishek Singh, SE leh Pu Ajayveer Singh, AE te; Contractor 3 - Anusha Projects Private Limited (APPL), Dhariwal Buildtech Limited (DBL) leh Shri Balaji Construction Company (BCC) aiawhte pawh meeting-ah hian an tel a ni.

Attachment

  • Loading attachment...