3336/2022-2023

Aizawl, 24th January, 2023 : Vawiin khan Aizawl District Disaster Management Authority (ADDMA) chuan Taxation Department Auditorium ah Aizawl District Disaster Management Authority hnuaia Incident Response System (IRS) team member te tan training a buatsaih a. He training ah hian Aizawl District hnuaia sawrkar department hrang hrang leh NGO hruaitu, chhiatrupna a thlen palha chhanchhuah leh tanpui hna thawk tur a che chhuak turte an kal khawm a ni.

Training hi Pu Lalnundika, Addl D.C leh CEO, ADDMA in kaihruaiin Dr Lalhriatzuali Ralte, D.C & Chairman, ADDMA in training buatsaih chungchang thuhma a sawi a. IRS member te mawhphurhna leh an chetlak dan tur te Dr Lalrokima Chenkual, Deputy Director (Trg), DM&R Deptt in zirtir na a pe a. Pu Francis Lallawmkima, Addl SP, Aizawl in chiatrupna a thlen a standard operating procedure chungchangah zirtirna a pe bawk a ni.

Vawiin training ah hian February ni 2 a Aizawl District a  state level earthquake mock drill neih tur atana in buatsaihna thlir hona leh in zirtir hun hman nghal a ni.