370/2022-2023
Khawzawl, the 2nd May, 2022: Khawzawl District Bawrhsap Pu C.C. Lalchhuangkima chuan vawiin chhun dar 12:00 khan Khawzawl District huamchhunga Sawrkar hnathawkte tana Bureau of Indian Standard (BIS) ina training an buatsaih chu Video Conference kaltlangin a hawng.

Bawrhsap chuan BIS ten Khawzawl District huamchhunga Sawrkar hnathawkte tana training an buatsaih chu lawmawm a tih thu a sawi a. Tun dinhmunah Khawzawl-ah a hranpaa Legal Metrology a la awm loh thu leh Champhai District atanga hmui tel a la nih thu sawiin, BIS Mark chungchangah nasa zawka inhrilhhriatna pek nasat an mamawh thute a sawi a. Khawzawl District-ah Consumer Union chak tak a awm thute pawh sawiin, tun tum hi BIS chungchanga Khawzawl District tana Video Conference neih hmasak ber a nih thu pawh a sawi tel bawk a ni.

Video Conference hmanga BIS training neihah hian Pu Lalvenhima, Addl DC; Pu James Lalnithanga, SDO (Sadar); Pu Lalringliana Pachuau, Addl. SP; Pu Lalthianghlima, Asst. Commandant, 2nd IR; Pu Zosangliana Zote, EE PWD, Khawzawl Division; Pu M. Lalrammawia, Sr. SDO, PWD; Pu K.Lalawmpuia, Project Assistant, I&WR leh Pu JH Vanlaltluanga, Asst. Manager, District Hospital-te an tel a ni.