2233/2022-2023
Champhai, the 7th October, 2022: District Election Office, Khawzawl leh Electoral Literacy Club (ELC), Khawzawl Higher Secondary School (KHSS) te tangkawp chuan vawiin khan election chungchang inhrilhhriatna atan Systematic Voters' Education and Electoral Participation (SVEEP) Quiz Competition, Khawzawl Higher Secondary School-ah an buatsaih. A hawnna programme hi District Election Officer (DEO) Pu C.C Lalchhuangkim, District Bawrhsap ni bawk chuan khuallian niin a hmanpui a ni.

Pu C.C. Lalchhuangkima chuan thu sawiin, SVEEP Quiz Competition kaltlangin thalai ten election kalphung an hriat chian leh zual nan leh electoral roll-a an chuan ngei theihna tur inzirtirna buatsaih a ni chu lawmawm a tih thu a sawi a. Nakin lawka ram leh hnam tana innghahna ni mai tur thalaiten inthlan kalphung an hriat chian leh zual a pawimawh thu a sawi bawk.

Election Officer Pu James Lalnithanga hnen atangin electoral roll revision leh SVEEP campaign neih dante ngaihthlak a ni bawk.

He hun hi Pu Zarzokima, Nodal Officer, Electoral Literacy Club, Khawzawl Higher Secondary School chuan kaihhruaiin, kalkhawmte lawmna Pu Joseph Zonunmawia, Principal KHSS in a sawi a. Pu Kamdingliana, Lecturer-in lawmthu sawiin SVEEP Quiz hawnna hun a khar a, chawhnu lamah Quiz inelna neih a ni.