2729/2022-2023

Khawzawl, the 18th November, 2022: Vawiin khan Khawzawl District Bawrhsap Pu C.C. Lalchhuangkima leh Sawrkar Department hotute chuan Khawhai khua an tlawh. VC member, Sanitation Sub-Committee leh NGO aiawhte BNRGSK Hall, Khawhaiah an kawm a, Fair Price Shop, Health Sub-Centre, Sawrkar hmunhma pawimawh dangte leh bawlhhlawh paihna tur hmunhmate an enfiah nghal bawk.

Pu C.C. Lalchhuangkima chuan faina chungchangah nasa taka hmalak a ngaih thu leh Khawhai khuain faina lamah hmasawnna tha tak a neih tawh thin thu sawiin, faina leh hmasawnna hi kal kawp tlat anih angin tan zel a ngai a ni, a ti a. Tomato leh Sapthei chu Khawhai mai ni lovin a chhevel khuate tan pawha beiseina sang tak siamsaktu anih theih thu sawiin, mipuite chu kuthnathawh hreh lo tur leh hlawhtlinna chang thei tura taima taka thawk turin a fuih a ni.

He hunah hian Pu Lalvenhima, Project Director, DRDO chuan tawih thei bawlhhlawh mahni huan theuha paih theihna tur, compost pit siam dan tur leh hmalak theih dante a sawi zau a. Pu B. Ramnunsanga, DAO leh Pu Lalnunpuia, DHO te'n  Tomato leh Sapthei chin kawnga hmalak zel dan tur an sawi a. Pu Ngurthansanga, DUDO chuan faina chungchanga hmalak dan tur a sawifiah bawk a ni.

Hun hmanho zawh anih hnu hian District Bawrhsap leh amah tawiawmtu Official-te hian Sawrkar hmunhmate pawimawh dangte leh Fair Price Shop (ration buhfai semna) pahnih tlawhin an enfiah a, Khawhaia bawlhhlawh paihna hmun tura ruahman an enfiah nghal bawk a ni.



Attachment

  • Loading attachment...