No.2328/2020-2020
Khawzawl District bawrhsap Pu H. Lianzela chuan vawiin khan a hnuai ami ang hian June ni 23, 2020 atanga June ni 30, 2020 thlenga Khawzawl district huamchhunga zawm tur khapna thupek pawimawh a tichhuak
“Hripui Novel Coronavirus (COVID-19) chuan Khawvel a run mek zel a, India ramah pawh mi thahnem takin nunna an chan phah tawh a ni. He natna laka mipuite kan him theihna tura Mizoram Sawrkar in ni 22.06.2020 thlenga Total Lockdown kalpui tur a Thupek ni 08.06.2020-a a tihchhuah chu Mizoram-a COVID-19 hri len dan boruak te thlirin Thupek thar siamin ni 30.06.2020 thleng a pawtsei leh ta a, vide No. B. 13021/101/2020-DMR/Pt-III dt. 21st June , 2020;
A chunga Sawrkar thupek Clause G.3-na in a tarlan angin he hripui lak atanga Khawzawi District mipuite kan lo him ngei theihna turin thupek thar tihchhuah ve ngaiin ka hria a.
Chuvangin, Kei, H. Lianzela, District Magistrate, Khawzawl District, Khawzawl chuan Secton 144 CrPC, 1973 (Act II of 1973)-in thuneihna min pek angin COVID-19 hrileng laka kan him theih nan a hnuaia khapna thupek hi Khawzawl District-a mi zawng zawng zawm turin ka chhuah e:-
“Tlai dar 7:30 PM leh zing dar 4:30 AM inkarah pawn chhuah khap tlat a ni. Hei hian Dan leh Thupek kengkawhtu-Magistrate leh Police-te bakah COVID-19 kaihhnawiha duty-te, phai atanga essential commodities leh Home Department-in a phai bungraw phur/unload-tute leh District Magistrate-in phalna a pek te a huam lovang”.
He thupek hian hemi chungchanga khapna thupek lo tihchhuah tawhte chu a luahlan(supersede) ang.
He thupek zawm lo chu IPC Sec. 188, Section 51 atanga 60 of The Disaster Management Act, 2005 leh Section 5 of The Mizoram (Containment & Prevention of Covld-19) Ordinance, 2020 hnuaiah hrem theih an ni ang.
He thupek hian ni 23rd June, 2020 atanga ni 30th June, 2020 thleng a huam ang.
He thupek hi Vawiin ni 22nd June, 2020 hian District Magistrate Seal chhu-a nemnghetin ka hming ka ziah hnan e”.
