3816/2023-2024

Khawzawl, 14th February 2023: March ni 1, 2024-a Chapchar Kut hman dan tur relin ‘Khawzawl District Chapchar Kut Organising Committee’ te chu vawiin khan DC Meeting Hall-ah an thukhawm a. Khawzawl Bawrhsap Pu K. Lalrohlua chuan he hun hi a kaihruai.

Thutkhawm kaihruaitu Pu K. Lalrohlua chuan kalkhawmte lawmna thu sawiin, ‘Khawzawl District Chapchar Kut Organising Committee’ chu February ni 7, 2024-a Khawzawl District chhunga sawrkar pisa hotute, khawtlang leh tlawmngai pawl hruaitute thukhawm thu rel bawhzuia din a ni, a ti a. Bawrhsap hian Organising committee mawhphurhna hrang hrang te  a sawifiah hnuah rorel tan a ni.

Chapchar Kut Organising Committee thu khawm hian Khawzawl District-a Chapchar Kut hmanna pui ber chu Field No.1/Jt. YMA Field, Khawzawl Zuchhip Vengah hman turin an ruahman a. Kut thlengtu atang District Bawrhsap Pu K. Lalrohlua a ni a nga, Kut Pa atan Pu W. CHhuanawma, Dy. Govt. Chief Whip, 22-Tuichang bialtu MLA ni bawk a ni ang. Chapchar Kut lawmnaah hian YMA Branch hrang hrang ten Cheraw an entir ang a, hla do chham, mal zai, Mizo lam chi hrang hrang leh mi zawn inchuhte a hun hman tura ruahman a ni.