2231/2023-2024

Khawzawl, 9th October 2023: Chief Minister Office in October ni 7, 2023 a thuchhuah a siam angin, NHIDCL enkawl Tuichang to Kawlkulh siam that thuai a nih theih nan leh Khawzawl District chhunga inkalpawhna kawng siam leh enkawl dan thlirhona neiin Khawzawl DC Pu K. Lalrohlua kaihhruaina hnuaiah PWD, NHIDCL, Joint VC leh tlawmngai pawl hruaitute chu vawiin khan an thukhawm.

Thutkhawm kaihruaitu Pu K. Lalrohlua chuan kalkhawmte lawmna thu sawiin, meeting thu rel tur hrang hrang te sawifiahna hun a hmang a. Vawiin thutkhawm hian a hnuaia mi ang hian thu an rel a ni.

1. Chief Minister Office in thuchhuah a siam bawhzuiin, meeting-ah hian Kawlkulh-Tuichang kawng enkawltu contractor Dhariwal Buildtech Ltd aiawh chuan nimin (09.10.2023) atangin kawng thawmthat hna hi thawh tan a nih thu a tarlang a. Meeting hian kawng a lo tlo zawk nan tuiluan kawr tha tak siam ni se tiin a rel a. Hnathawh enfiah turin Joint Inspection Team - CALA aiawh, SP aiawh Inspector aia rank hniam lo, EE PWD aiawh JE aia rank hniam lo, Joint VC leh NGO aiawh te telna din a ni.

2. Chak zawka Kawlkulh - Hliappui Road thawm that hna thawh a nih theih nan, Saitual DC in Saitual - Hliappui Road a motor lian HMV kal khapna thupek September ni 12, 2023 a thuchhuah a siam chu kar hnih chhung tal ngaihhnathiamna siam turin Khawzawl DC in lo ngen se tiin meeting hian a rel.

3. MLA Inthlanpui November ni 3, 2023 leh YMA General Conference October ni 24-26 chhunga Biate a neih tur hre reng chungin Khawzawl District chhunga PMGSY Road - Khawzawl - Biate, Rabung - Pamchung, Chalrang - Riangtlei te chu a rang thei ang bera thawmthat tura rel a ni.

4. Khawzawl Damdawiin atanga Tuimuk (Neidawn panna kawng) chu Balaji Construction in November ni 3 hma ngeiin lo thuam tha se tia rel a ni.

5. Tuisenphai - Khawzawl Hermon Veng chu kawng enkawltu SBCC hnen atangin motor engpawh kal theih a siam a nih thu ngaihthlak a ni a. Contractor hi kawng chhe zual thawm that hna hi October ni 10, 2023 hma ngeia thawk zo tura hriattir a ni a. JIT in October ni 15 hian an enfiah ang.

6. JNV Khawzawl panna kawng chu a tichhetu contractor - SBCC chu November thla chhung ngeia kawng hi siam tha turin meeting hian a hriattir.

7. Tuisenphaia Khawzawl District Checkgate chu kawngpui thar (NH-06) ah sawn ni se, contractor leh Khawzawl SP in lo ngaihtuah se ti a thu dah a ni.

8. Khawzawl leh Champhai District-a Maxi Cab Service zawng zawng te chu zing dar 8 hma lam leh zan dar 6 hnu lamah chuan Kawlkulh by pass road ah an kal theih tur thu kawng enkawltu DBL te hnen atangin ngaihthlak a ni bawk.