No.4144/2021-2022
Aizawl, the 1st March, 2022: Vawiin chawhma dar 11:00 khan Pu C.C. Lalchhuangkima, Deputy Commissioner, Khawzawl District kaihhruaiin DC Conference Hall-ah Khawzawl District chhunga Pradhan Mantri Gram Sadak Yojana (PMGSY) kaltlanga kawng laih hna thawh mekte dinhmun thlirho a ni a, a bikin Khawzawl-Ngaizawl PMGSY road laih mek chungchang thlirletna leh hmalak ngaihna laite sawiho a ni.

Meeting-ah hian Khawzawl-Ngaizawl kawng laih mekah tunhnaia dan leh thupek kenkawh kawnga harsatna (law and order issue) thleng chungchang sawiho niin, a thlen nawn tawh loh nana hmalak tulte ngaihtuahho a ni a. Khawzawl District chhung hmun danga PMGSY kawng laih mekte dinhmun pawh thlirho niin, hna sawt zawk leh chak zawka thawh a nih theih nan tangruala hmalakho a tul hle tih tarlan a ni a. District Bawrhsap kaihhruaina hnuaiah Sawrkar Official leh Sub-Headquarters YMA ten remchang hmasa berah a hmunah kala tlawh nise tiin meeting chuan a rel a ni.

Vawiin meeting-ah hian Superintendent of Police, DC Office-a Officer-te, 2nd IR Bn Commandant aiawh, PWD Khawzawl Division Official-te leh Sub-Headquarters YMA Khawzawl President-te an tel a ni.