No.7204/2020-2021 

Mizoram sawrkar thuchhuak No.B.13021/101/2020-DMR/Vol-III dated 16.01.2021 bawhzuina atan leh Khawzawl district mipuite Covid-19 hrileng laka an him theihna turin Pu Lalrohlua, Additional District Magistrate, Khawzawl District chuan Section 144 CrPC, 1973 (2 of 1974) in thuneihna a pek angin Khawzawl  District Headquarters huamchhungah zan dar 8:30 atanga zing dar 4:30 inkar CURFEW puan anih thu vawiin khan a chhuah. Curfew hunchhung hian a hnuaia tarlan mite chauh lo chu pawn chhuah phal a ni lo:

1) Dan leh thupek kengkawhtu Magistrate-te leh police-te

2) Covid-19 kaihhnawiha duty-te

3) Medical Emergency duty-te

4) Media/Chanchinbumi

5) Phai atanga bungraw phur motor in unload

6) Essential Services duty-te

7) District Magistrate leh Sub-Divisional Magistrate-in phalna a pekte

Tin, dawr zawng zawng (damdawi dawr tiam lovin) te tlai dar 5:30 hmain khar vek tur a ni.

He thupek zawm lo chu IPC Section 188 hmanga hrem an ni ang. He thupek hian January Ni 18, 2021 atanga thu leh awm hma emaw, thla hnih (2) chhung emaw, a rei lo zawk zawk a huam ang.

He thupek hi vawiin January Ni 18, 2021 hian District Magistrate Seal chhu-a nemnghetin Pu Lalrohlua, Additional District Magistrate, Khawzawl District chuan hming a ziah hnan a ni. He order hian Office lehkha No.J.12017/1/2019-DC(KZL) dated 03.12.2020 kaltlanga District Headquarters-a zan curfew hunchhung a lo puan tawh chu a luahlan nghal a ni.