No.7203/2020-2021 

Vawiin chhun khan Pu V. Lalsangliana, Deputy Commissioner, Lunglei kaihhruainain DC’s Conference Hall ah Lunglei Town Sanitation Task Force Committee meeting neih a ni. Meeting ah hian Lunglei District Official-te, YMA, MUP, MHIP, Clean Lunglei, VC Association leh Lunglei Town chhung VC aiawh te an tel a ni.  

Lunglei Town Sanitation Task Force Chairman Pu V. Lalsangliana chuan Lunglei Town Sanitation Task Force chu khawpui faina leh thianghlimna ah thuneihna sang tak nei a nih thu tarlangin Lunglei khua in faina kawnga hma a sawn zel theihnan Task Force member-te chu theihtawp chhuah theuh turin a chah a ni.

Pu Andrew Lalhruaia, DUDO, UD&PA Department, Lunglei chuan Solid Waste Management Bye Law siam anih tawh thu sawiin  Covid-19 hrileng avangin hmalak anih theih loh thu a sawi a bawk. Vawiin a Lunglei Town Sanitatation Task Force Committee in a ngaituah tura chawpchhuah Agenda te sawifiahna  te a nei in sawiho a ni.

1. Solid Waste Management Rules 2016 behchhan Lunglei Town Solid Waste Management Bye Law siam tawh ah hmalakna kalpui chho mek ah 1^st April 2021 atangin Lunglei khawpui ah zawi zawi a bawlhhlawh tawih thei leh theilo  thliar hran kalpui nise, UD&PA Department leh VC ten hmalak dan tur enpui se tih rel a ni. Khawlai bawlhhlawh paih pawisa chawitir chungchang ah pawisa inchawitir em em lovin bawlhhlawh paih chungchang inzirtirna a tam thei ang ber mahni veng theuh ah pek nise tih a ni. Plastic Waste Management chungchangah Plastic te  thliar hran hnua paihna bik atangin UD&PA Dept. hmalaknain sawngbawlna hmun a paih tura ruahmanna siam nise. Lunglei Town Solid Waste Management Bye Law hi Mizo tawng lehlin a VC tin ah sem tura hmalak mek anih thu sawi a ni bawk.

2. Faina Hapta 2020 puala Faina kawnga inelna titha te lawmman kumin Republic Day ah sem tur a tih a ni a, Faina Hapta 2021 a faina kawng a inelna titha lawmman tur cheng nuai hnih bawlhhlawh paihna  pawisa hmuh atanga hman phalsak tura dilna chu committee chu remtih sak a ni.

3. Solid Waste Management Center, Riangvai Thlanmual a buatsaih mek chu kum 20 chauh hman theih anih dawn avangin kum 20 a ral hnua Solid Waste Management Center-a hman tur hmumhma chu tun atangin UD&PA Dept. leh VC ten lo ngaihtuah lawk se tih rel a ni bawk.

Lungei a khawtlang faina atana hlawh nei miah lova hma la thin mi pahnih Pu K.T Chhawna, Chanmari leh Pu F. Lalsanglura Rahsi Veng te hnenah T. Shirt leh pawisa fai Pu V. Lalsangliana’n hlanna a nei a ni.