87/2025-2026

Khawzawl, dated 8th April 2025: Vawiin chawhma dar 11:30 khan Mizoram State Project Monitoring Committee (MSPMC) chuan Khawzawl District Hospital fangin an endik a, Vice Chairman Pu R. Lal Rinawma hovin hospital quarter leh building sak lai mek an endik a ni.

MSPMC chu Khawzawl DC Pu K. Vanlalthiana, Addl. DC Pu Lalfakzuala leh Medical Superintendent Dr. Albert Lalhminghlua te'n hospital-ah an lo dawngsawng a, quarter sak lai leh hospital building sak belh mek an endiknaah an telpui bawk. Khawzawl PWD thawktute leh District Hospital thawktute nen inkawmna hun hmangin project kal dan te, mamawh an neih te, harsatna an tawh te leh an zawh theih hun tur te an sawi ho a ni. Vice Chairman Pu R. Lal Rinawma chuan project tluang takin a kal a ni tih an hmu a, lawmawm a tih thu a sawi a, engineer te leh in sakna lama hnathawk te fakin an building sak a that mai bakah an hmanraw hman te pawh a tha tih a sawi. Hospital thawktute hmathlir tha tak neiin nakina mamawh tur, thawktu te emaw quarter te emaw a awm dawn a nih chuan a rang lama ngaihtuaha bawhzui zel turin a fuih bawk a ni.

He hunah hian Er. Lalthanzuala Ralte, Secretary, MSPMC; Architect George Lalzuia, Member, MSPMC; ⁠Er. Sanghrima Chongthu, Member, MSPMC; Er. Vanlalneiha Ralte, Member, MSPMC; Pi Lalremsangi Fanai, Member, MSPMC; Prof. Chawngsailova, Member, MSPMC; Pu B.Lalkhawngaihzuala, Member, MSPMC; SDO (Sadar) Pu Suvigya S. Chandra, IAS; leh Khawzawl PWD atangin SDO te, JE te leh thawktu dang an tel a ni.

Khawzawl District Hospital sak belh mek quarter leh building thar hi sak zawh tawh chin (physical achievement) hi 42% a ni a, nakum November 2026 vela zawh tum a ni.