4278/2025-2026

Dated Khawzawl, the 3rd February, 2026:  Vawiin dar 11:00 khan District Level Committee on Fire Prevention chu Khawzawl DC Conference Hall-ah Bawrhsap Pu K. Vanlalthiana, Chairman,  District Level Committee on Fire Prevention ni bawk kaihhruainain Fire Prevention Week 2026 hman dan tur an rel.

Chairman Pu K. Vanlalthiana chuan he meeting ngai pawimawha lo telte hnenah lawm thu sawiin, kangmei laka inven a ngaih nasat zia leh kangmei nghawng pawi ziate leh hemi lamah mawhphurtu hrang hrangte thawhho thata tan lak a tul ziate a sawi a, kan ram hetiang renga kan tih chereu chuan kum lo kal leh zel turah  engtin nge kan khawsak zel ang tih hi ngaihtuah tham tak a ni a ti a, kan theihna zawn theuhah thahnem ngai taka, ram leh khawtlang kangmei laka kan venhim a ngai a ni a ti. Pu Lalnunthanga, DFO( Khawzawl Wildlife Division) & Member Secretary chuan agenda-te sawi hawngin rel zui nghal a ni.

State Level Committee on Fire Prevention, 2026 thutkhawma an lo rel tawh angin Fire Prevention Week chu February ni 9 atanga 13 chhung neih tur a ni a. Khawzawl District-ah a hawnna inkhawm chu February ni 9, chawhnu dar 1, Zaingen YMA Hall-ah Khawzawl Bawrhsap hoin neih ni se tiin an rel a ni. 

Kumin Fire Prevention Week 2026 theme atan hian “Nungchate chenna leh tui thianghlim min petu ramngaw kangmei lakah venghim rawh.” ( “Protect Forests from fire; they are a habitat for wildlife and source of clean water.”) tih a ni.

State level Sub- Committee-thurelte thlir ho a ni a. Thurel ang hian District Level-ah theihtawp chhuaha bawhzui relin, Kangmei tichhuaklo tura thupek District Magistrate hmingin chhuah an rawt a. Kohhran tinah leh VC zawng zawng hnenah kangmei tichhuaklo tura inzirtirna leh ngenna thuchah puangzar tura ngenna tihchhuah ni bawk sela tiin rel a ni bawk.

Kum danga tih thin angin kumin 2026 ah hian Village Level Award te siam leh an rel a, Khawzawl District chhunga kangmei veng tha khuate pawh thlan tum a ni. Kangmei veng tha khuate lo thlang turin a hnuaia mite hi meeting chuan a ruat bawk.

Convener : DFO, Khawzawl

Members:   (1) Honorary Wildlife Warden, Khawzawl District

(2) Range Officer, Khawzawl Forest Range, 

(3) Deputy SP, Police

(4) President, Sub headquarters YMA

(5) President, Saitual District VC Association

(6) President, MJA

Khawzawl District chhungah a tam thei angin awareness campaign kalpui ni se. Middle School level chin inelna atan Poster siam te, Reels Making hmanga in elna te neih nise tiin a rel bawk a ni.

Vawiina thutkhawmnaah hian Environment Forests and Climate Change Department hotute, sawrkar official dang te leh tlawmngai pawl te bakah MJA te an tel a ni.