835/2026-2027

Dated Khawzawl, 4th June, 2026 : Vawiin chawhnu khan DC Conference Hall-ah Green Mizoram Day 2026 hman dan tur relin Khawzawl District Level Committee on Green Mizoram chu an Chairman, Bawrhsap Pu K. Vanlalthiana hovin an thukhawm.

Pu K. Vanlalthiana chuan 'Green Mizoram Day' chu kum tin hman thin a nih angin kuminah pawh urhsun taka hman a tul hle a ti a. Khawvel sik leh sa inthlak danglam zelah thing leh mau bakah tuihna, nungchate humhalh leh venhim kawngah thanharh a hun hle a ni tiin, a taka thingphun mai bakah thang leh tharte thinlungah pawh kan phun ngheh a tul a, thingphun mai duhtawk lova a enkawl zui lamah pawh nasa taka tan kan lak a ngai a ni a ti. Hemi kawngah hian sawrkar, NGO leh mipuite tanho zel a pawimawh tak zet a, thing leh mau, ramngaw leh tuihnate humhalh kawngah theihtawp chhuahpui turin a sawm nghal bawk a ni.

He thutkhawm ah hian Member Secretary Pu Lalnunthanga, DFO in report leh Agenda sawihawnna leh sawi zauna hun a hmang a, Green Mizoram Day puala inkhawm hi DC Conference Hall-ah neih nise, thing tiak phunna hmun atan National High Way (NH-6) ah neih nise tihte leh Programme tuldang te sawiho a ni. He thutkhawmah hian Khawzawl District Level Committee on Green Mizoram Member-te an tel kim tha hle a, Chairman Pu K. Vanlalthiana chuan lawmthu sawiin thutkhawm hun hi a khar a ni.

Kumin 'Green Mizoram Day 2026' hi June Ni 11 dar 10:00 am ah neih a ni dawn a, Thupui atan 'Thing hi rangkachak anga hlu, Nunna tinreng bul a ni (Trees are green gold, The roots of all life)' tih hman a ni ang.