4737/2024-2025

Khawzawl, dated 20th March 2025: Vawiin chawhma dar 11 khan PM Surya Ghar: Muft Bijli Yojana (Rooftop Solar) Scheme atana District Level Committee for Khawzawl District chu Chairman leh Khawzawl DC ni bawk Pu K. Vanlalthiana hovin DC Conference Hall-ah meeting an nei a, scheme kalphung inhrilhfiahna leh scheme-in a ken tel hrang hrang sawihona leh hmalak zel dan turte rel a ni.

He hunah hian Pu NG Lalruatsanga, E.E, P&E Department chuan Scheme sawifiahna hun a hmang a, Khawzawl District-ah Chhawrtui khua chu Solar Model Village a thlan a ni. 

PM Surya Ghar: Muft Bijli Yojana (Rooftop Solar) Scheme hi February ni 29, 2024 khan Sawrkar laipui chuan a tlangzarh a. India ramchhunga chenna in vaibelchhe 1 (nuai 100) a duh apiangte hnenah subsidy hmanga mahni inchunga Rooftop Solar System bun duh te tan dil theih tura duanchhuah leh ruahman a ni. Central Subsidy bakah Mizoram Sawrkar pawhin he Scheme hi a pawimawh zia hriain state subsidy pek a lo remti tawh bawk a ni. PM Flagship Programme a nih angin chhungkaw harsa deuhte tan pawh Bank loan pawh awlsam taka lo pe turin Bank zawng zawngte pawh hriattir an ni tawh bawk a ni.

Ṭhutkhawmah hian Khawzawl District atang he scheme diltu la tlem zia leh a tam thei ang berin he Scheme atanga hamṭhatna awmte an chhawr ve theih nan ṭan lak nasat a tul zia pawh tarlan a ni.

Meeting-ah hian ZEDA aiawhte, Addl. DC Pu Lalfakzuala leh SDO (Sadar) Pu Suvagya S. Chandra te an tel a ni.