1819/2024-2025

Khawzawl, dated 29th August 2024: Vawiin dar 10:30 am khan  Khawzawl DC Meeting Hall-ah Khawzawl District Level Cooperative Development Committee chu an Chairman Pu K.Vanlalṭhiana, DC, Khawzawl hovin an thukhawm a, he hunah hian Pu B. Lalchhanhima, District Cooperative Officer, Champhai chuan agenda sawi hawnna neih pahin India ram chhunga Cooperative Society te hmasawnna tura Ministry of Cooperation in India in District tina din tura hma a lak thu leh chumi bawhzui nana Khawzawl District chhungah pawh din a nih thu tarlan a ni bawk.

He Meeting ah hian Cooperative Society ten Fair Price shop dealer hna an thawh theih nana hmalak dan tur te Damdawi man tlawm zawka zawrh a nih theih nan a hmalak te Cooperative Society ten LPG Dealer hna an thawh theih nana hmalak dan tur te an relho a ni.

Tin, thla thar september ni 4-6, 2024 chhung hian PACS Development cell (PDC)-in NABARD funding a Khawzawl a Primary Agriculture Credit Society Ltd. te tana Training buatsaih tura ruahmanna siam a ni bawk.

Tun dinhmunah Khawzawl District ah Cooperative Society dinhmun chu

Handloom & Handicraft Cooperative Society - 3

Fishery Cooperative Society - 2

Livestock & Poultry - 10

Bee farming - 2

Consumer Cooperative Society - 5

Sericulture Coopertive Society - 2

Agriculture & Allied Cooperative Society - 10

Multipurpose Cooperative Society - 4

Sevice Cooperative  Society - 1

Primary Agriculture Credit Society - 2

te an awm mek bawk.