No.6681/2020-2021

Dated Khawzawl, the 27th November, 2020: Vawiin chawhma khan  Khawzawl District Level Executive Committee on DAY-NULM, UD&PA  chu a vawikhatna turin Bawrhsap Pu Zothanmawia hovin DC Conference Hall-ah an thukhawm.

He hunah hian  Khawzawl District-a  Deendayal  Antyodaya  Yojana-National Urban Livelihoods Mission (DAY-NULM)  kalpui  zel dan tur chungchang sawiho a ni a. He Scheme kaltlanga hmalak tawhnate leh chenna neilo khawpuia awmte tana hmalakna Shelter for Urban Homeless hnuaia Khawzawl damdawiin a damlo awmpuitute awm lailawkna tur   chungchangte  ngaihthlaka sawiho ni bawkin,  cheng nuai  50 senga sak tur  Special shelter for attendant of patient at District Hospital, Khawzawl tih hmanga rawtna siam chu pawm a ni. 

Tun dinhmunah hian Khawzawlah  DAY-NULM kaltlangin thiamthil zirna hrang hrang course 4; Puanthui, Beauty therapy, Cake siam leh theitui siam zirtirnate a thlawna kalpui mek a ni a, course khatah hian zirlai 30 zel awmin thla thum chhung zel an training dawn a ni.