4499/2025-2026

Khawzawl dated 17th February 2026: Vawiin chawhma dar 11 khan DC Auditorium-ah Narco-Coordination (NCORD) meeting neih niin Khawzawl Bawrhsap leh District NCORD Chairman ni bawk Pu K Vanlalthiana'n a kaihruai a ni.

He hunah hian Narco-Coordination (NCORD) 2026 calendar chu rel ho niin ruihhlo do kawnga hma lak zel dan tur ngaihtuah ho a ni a. Kum thum chhunga an hma lak dan tur te an sawiho a, ruihhlo tih tlem dan tur te, ruihhlo bawi a tang te tanpui dan tur te leh awareness neih dan tur te an ngaihtuah ho a, kum 3 chhunga hmalak dan tur mumal tak an ngaihtuah ho a ni.

He hunah hian kum 2026 chhunga ruihhlo man zat Khawzawl Police Station hnen atangin ngaihthlak a ni bawk a, Herion man zat hi 202g niin ₹40,40,000 man hu a ni a, Meth man zat hi 13.87 kg niin ₹11,09,60,000 man hu a ni a, BEDC man zat hi 237 litres niin ₹1,62,750 man hu a ni a, LML (Rakzu) man zat hi 30 litres niin ₹15,000 man hu a ni.