4500/2025-2026

Dated : Mamit the 17th of February, 2026 : Mamit Multipurpose building hnuai a dawr 5 (panga) te chu luah theih tur a ruahman a ni a. A luah duh tur chuan an luah ngamna zat (Rs 4000/- per month aia hniam lo) chiang taka ziakin, envelope-a daha charin, Secretary, District Sports Committee Mamit/SDO (S) DC Office Mamit hnenah Office hun chhungin Ni 27 February, 2026 (Zirtawpni) ral hma-in dilna theh luh theih a ni. Tender hi 2nd March, 2026 chawhnu dar 4:00 PM-ah SDO (S) room, DC Office Mamit-ah hawn a ni ang.

TERMS & CONDITION FOR RENTING OF STALL

I.Dawr luah theih hun chhung: DSC in tender chhuahin a luahtu tur a zawng thin ang. Luah theih hun chhung hi kum 2 a ni ang a, kum 2 hnuah a tharin ennawn thin a ni ang.

Dawr luah tura thlan te'n security deposit Rs 3000 (cheng sangthum) an pe ngei ngei tur a ni. He Security Deposit hi bill hrang hrang ba a awmin leh Dawr luahtu fimkhur loh avanga Dawr chhia a awmin hman thin a ni ang.

II. General terms & conditions:

a) Dawr luah man hi pek lawk thin tur a ni, thla tin thla thar ni 10 ral hma-in DC Office, Mamit ah luah man hi a chhung lut thin ang. Hun tiam chhunga pek a nih loh chuan, nitin Rs 10/- zelin a pung ang.

b) Dawr luah tura thlante'n mi dang an luah chhawntir phal a ni lo.

c) Bill pek ngai (eg: tui, electric etc) a awm a nih chuan a luahtu in a chawi ang.

d) A luahtu hian term laklawhah a nghak chhunzawm thei dawn lo a nih chuan a chhuahsan hma thla khat talah DSC-ah hriattirna a pe hmasa tur a ni.

e) Dawr luah diltu hian a dawr luah tur (eg; stall no.1 or 2) a dilnaah a ziak lang tur a ni a. (Traffic point hnaih ber dawr hi stall No.1 a ni ang a, a bak chu Mausen Road lamah a indawtin stall No. 2,3,4,5 a ni ang)

f) Dawr chhung leh a vel fai takin a vawng tur a ni a, bawlhhlawlh leh hnawmhnawk sawngbawl leh senghawi chungchangah Sawrkar leh khawtlang ruahmanna tha tak a zawm tur a ni.

g) Repair leh khawih danglam dawnin DSC hriatpuina/phalna lak hmasak tur a ni.

h) Ruih theih thil leh Sawrkar phal loh thil zawrh phal a ni lo. Tin, vantlang mit tikham zawnga awm loh tur a ni. Zu leh ruihhlo dang lakah a nghaktu hi a fihlimin customer-te pawh dawr leh a velah hetiang laka fihlim turin a hriattir thin tur a ni a.

i) A nghaktu chu DSC mit a tlunglo a nih a, dan siamte a zawm tha lo a nih chuan DSC-in thla khat hun peina hun a titawp thei ang.

j) A nghaktu chuan a dawr enkawl chungchangah harsatna a neih chuan DSC-ah a report thin tur a ni ang a, a rang thei ang berin DSC-in a harsatna sutkian sak thin ang.

k) Light bulb leh electric thil an luah laia a chhia a nih chuan a luahtute'n an siam tha ang.