No.399/2020-2021

Nimin chawhnu khan Khawzawl District Level Task Force on COVID-19 meeting chu District Bawrhsap Pu H. Lianzela ho in Zaingen Community Hall-ah neih a ni.

Meeting-ah hian District Level Task Force leh Village Level Task Force te hmalakna hrang hrang thlir ho ani a, rawtna hrang hrang siam ani bawk. May ni 3 thleng inkharkhip chhunzawm anih dawn tâk avanga a nghawng tur hrang hrang leh ven dan tur te chipchiar taka sawiho a ni a. Hrileng laka invenna lam uar taka kalpui chhunzawm a tul thute, awlsamna aia mipui himna ngaihpawimawh a tul zawk thu te bakah intodelh turin chuktuah huan siam leh eitur thlai thar chhuak tam tura mipuite zirtir te, thlaichi khawl khawmna (seed bank) siam te, huanthlai hralhna kawnga harsatna nei te tanpui dan tur te sawiho a ni.

Meeting-ah hian rama hnathawh chhuamlam a chhuak, ramvak leh luia kal ta daih te, tûr leh silai hmanga pawi lo khawih hial te an awm thu sawilan niin hetiang tih ching te hi man an nih chuan an chungah dan anga na taka action lak nise tia rel ani a, VLTF te pawh chhuahvah phalna kawngah khauh lehzual turin a ngen bawk.