No.7438/2020-2021

Tunlaiin Khawzawl District chhunga hmun thenkhatah mi thenkhatin pawisa inchawiin Ar an insualtir thin tih hriat a ni a.  Ar insualtir hi Prevention of Cruelty to Animals Act, 1960, Section 11 in ‘Ran laka nunrawnna’ (Cruelty to Animals) a tih zinga mi leh he mi dan hnuaia hrem theih a ni.

Pu Zothanmawia, District Magistrate, Khawzawl District, Khawzawl chuan Sec 144 CrPC, 1973 (2 of 1974) in thuneihna a pek angin Khawzawl District huam chhungah ennawm atan emaw, pawisa inchawiin emaw, Ar leh ran dang eng chi pawh, insualtir khap tlat a nih thu vawiin khan a chhuah.

Thupek zawmlote chu Section 188 IPC hmangin hrem an ni ang. He thupek hian chhuah a nih atanga thla hnih (2) chhung a huam dawn a ni.

He thupek hi vawiin February Ni 3, 2021 hian Pu Zothanmawia, District Magistrate chuan District Magistrate Seal chhua nemnghetin  hming a ziah hnan a ni.